திரு அருணகிரிநாதர் அருளிய
கந்தர் அநுபூதி
51 செய்யுட்கள்
Sri AruNagirinAthar's
Kandhar AnubUdhi
51 verses
| திரு அருணகிரிநாதர் அருளிய Sri AruNagirinAthar's | |
|---|
| திரு அருணகிரிநாதர் அருளிய கந்தர் அநுபூதி - 3 வானோ புனல் |
 |  | தமிழில் பொருள் எழுதியது 'திருப்புகழ் அடிமை' திரு சு. நடராஜன் (சென்னை) Meanings in Tamil by 'Thiruppugazh Adimai' Thiru S Nadarajan (Chennai) | PDF வடிவத்தில்    | அகரவரிசை எண்வரிசை தேடல் alphabetical numerical search |
பாடல் 3 ... வானோ? புனல் பார் (ஆறுமுகமான பொருள் எது?) வானோ? புனல் பார் கனல் மாருதமோ? ஞானோ தயமோ? நவில் நான் மறையோ? யானோ? மனமோ? எனை ஆண்ட இடம் தானோ? பொருளாவது சண்முகனே. ......... பதவுரை ......... சண்முகனே ... ஆறுமுகக் கடவுளே, பொருளாவது ... நித்தய அழிவில்லாத பொருள் என்பது (எது?) வானோ ... ஆகாயமோ?, புனல் ... தண்ணீரோ?, பாரோ ... நிலமோ?, கனலோ ... நெருப்போ?, மாருதமோ ... காற்றோ?, ஞானோதயமோ ... அறிவு தோன்றும் இடமோ?, நவில் நான் மறையோ ... ஓதப்படும் நான்கு வேதங்களோ?, யானோ ... நான் என்கிற தத்துவமோ?, மனமோ ... மனமோ?, எனை ஆண்ட இடம் தானோ ... என்னை ஆட்கொண்ட இடம் தானோ? ......... விளக்கவுரை ......... இந்தப் பாட்டில் பர தத்துவத்தை நிர்ணயம் செய்கிறார். எது மெய்ப் பொருள்? நித்ய வஸ்து எது? என்று நிர்ணயம் செய்யும்போது ஒன்று ஒன்றாக விலக்கி இறுதியில் முருகனே பர தத்துவம் என்று முடிவுகட்டுகிறார். நித்ய வஸ்து என்பது யாது? தனக்கென்று ஆதி அந்தம் இல்லாததாய், யாவற்றிக்கும் ஆதாரமாய் வேதம் கூறுவதுபோல் .. எதினின்றும் இவை எல்லாம் தோன்றினவோ, தோன்றியவை எல்லாம் எதனால் வாழ்கின்றனவோ, முடிவில் யாவும் எதில் ஒடுங்குகின்றனவோ அதுவே நித்ய வஸ்து .. அது எது? வானோ? ஆகாசம் என்பது சூன்யம். இதுவே பிரபஞ்ச தோற்றத்திற்கும் அழிவிற்கும் காரணம் என்பது சூன்யவாதிகளின் சித்தாந்தம். பானையில் இருக்கும் காற்று, பானை உடைந்தவுடன் வெளிக் காற்றோடு கலந்துவிடுவதுபோல் உடலில் இருக்கும் ஆகாசம் உடல் அழிந்தவுடன் வெளி ஆகாசத்தில் கலந்துவிடும். இறந்த உடல் மீண்டும் பிறப்பதில்லை என்பது இந்தச் சித்தாந்தம். புனல் பார் கனல் மாருதமோ? அடுத்தபடி நிலம், நீர், தீ, காற்று என்ற நான்கு தத்துவங்கள். இவையா நித்தியாம்? இவற்றின் பலவித சேர்க்கையினால் "Permutation and Combination" ... ஆனது தானே இந்தப் பிரபஞ்சம். உடம்பு அறிவு எல்லாம் வெறும் தோற்றமே. உடம்புக்கு தனியாக ஆன்மா என்று இல்லை. வினை கிடையாது. வினைக்கு ஈடாக உயிரை உடலோடு கூட்டுவதற்கு கடவுள் என்ற தத்துவம் உண்டு என்பது கட்டுக்கதை. இது சார்வக மதம். ஞானோதயமோ? ஞானோதயமோ என்கிற கேள்வியில் பெளத்த மதம் குறிப்பிடப்படுகிறது. ஞானம்தான் ஆன்மா. இந்த ஞானம், ஒவ்வொரு கணமும் தோன்றித் தோன்றி அழியும். முன்பு அழிந்த ஞானத்தின் வாசனை பிற கணத்தில் தோன்றும் ஞானத்தில் தென்படுகிறது. இந்த தொடர்ச்சியின் வாசனை அழிவதே முக்தி. நவில் நான் மறையோ? நவில் நான் மறையோ என்பதில் 'மீமாம்ச' மதம் குறிப்பிடப்படுகிறது. வேதம் அனாதி. அவற்றில் குறிக்கப்பட்டுள்ள யாகம் யக்யங்களை செய்து வந்தாலே முக்தி கிடைக்கும். இதற்கென்று கடவுள் தேவையில்லை. உலகம் நித்யமானது. வேதத்தில் கரும காண்டமே இதற்கு பிரமாணம். யானோ? மனமோ? இத்தனை ஆராய்ச்சிகள் செய்யும் நான் என்பதுதான் நித்ய வஸ்துவா? இது அடுத்த கேள்வி. இது ஆன்ம வாதம். மனமே ஆத்மா. இறைவன் கிடையாது. மூலப் ப்ரகிருதியின் பரிணாமமே இந்தப் பிரபஞ்சம். இதுவே சாங்கிய மதம். எனை ஆண்ட இடம்தானோ? கடைசியாக என்னை ஆண்ட இடம்தானோ? என கேட்கிறார். இடம் என்றால் நிலை. ஜீவாத்மாவின் பக்குவ நிலையை அறிந்து, ஆண்டவன் எழுந்தருளி ஆட்கொள்ளும் அந்த கருணை நிலைதான் மெய்த் தத்துவம் என்பதுதான் அருணை முனிவரின் முடிவான துணிவு. 'தானோ' என்கிற பதம் சேர்ந்திருப்பதால் மற்ற எல்லாவற்றையும் விலக்கிவிட்டு இதுவே மெய்ப் பொருள் என்பது அருணகிரியார் சுட்டிக் காட்டும் உண்மை விளக்கம்.  |
| 'wikisource' reference links for this song இப்பாடலுக்கான 'விக்கிமூலம்' இணையப் பக்கங்கள் pg 4.636 pg 4.637 WIKI_urai Song number: 3 (Please note: Kaumaram.com is NOT responsible for accuracy and contents of external links) |
 | திரு எல். வசந்த குமார் எம்.ஏ. Thiru L. Vasanthakumar M.A. பாடகர் பக்கத்திற்கு to singer's page |
|
 | 'மலைமந்தீர்' திரு. இஷ்விந்தர்ஜிட் சிங் 'MalaiMandir' Thiru Ishwinderjit Singh பாடகர் பக்கத்திற்கு to singer's page |
|
 | சென்னை ரேவதி சங்கரன் Revathy Sankaran (Chennai) பாடகர் பக்கத்திற்கு to singer's page |
|
| ... www.kaumaram.com ... The website for Lord Murugan and His Devotees முகப்பு அட்டவணை மேலே தேடல் home contents top search |
Kaumaram.com is a non-commercial website. This website is a dedication of Love for Lord Murugan. PLEASE do not ask me for songs about other deities or for BOOKS - This is NOT a bookshop - sorry. Please take note that Kaumaram.com DOES NOT solicit any funding, DIRECTLY or INDIRECTLY. © Copyright Kaumaram dot com - 2001-2040 COMMERCIAL USE OF MATERIAL IN THIS WEBSITE IS NOT PERMITTED. Please contact me (the webmaster), if you wish to place a link in your website. email: kaumaram@gmail.com Disclaimer: Although necessary efforts have been taken by me (the webmaster), to keep the items in www.kaumaram.com safe from viruses etc., I am NOT responsible for any damage caused by use of and/or downloading of any item from this website or from linked external sites. Please use updated ANTI-VIRUS program to rescan all downloaded items from the internet for maximum safety and security. மேலே top |