ஒம்

அருளில்லார்க்கு அவ்வுலகம் இல்லை,
பொருளில்லார்க்கு இவ்வுலகம் இல்லாகி யாங்கு (குறள் ₂₂₄₇)

ஆலயத்தின் வரலாறு

இவ்வுலக வாழ்க்கைக்குப் பொருள் தேவை. இப்பொருளைத் தேடி சிறப்போடு வாழ நினைப்பவர் என்றும் பழி இன்றி, நற்குல மகனாக, நற்குல மக்களைப் பெற்று வாழ்வாங்கு வாழ பக்தி தேவை. இப்பக்தி ஒருவருக்கு பொருள் தேடுவதைப் போல் மிகவும் சுலபமாகக் கிடைத்து விடும் பேறு அன்று. நமது ₆₃ நாயன்மார்களும் பரம்பொருளை நினைந்து கசிந்துருகி அல்லல் பட்டு, அல்லும் பகலும் ஐயனையே தியானித்து அடைந்த பெரும் பேறாகும். நாமும் அப்பரம்பொருளை அடைய இறைவன் வழிவகுத்துள்ளார். அதுதான் ஆலய வழிபாடு.

அவ்வகையிலே அந்நாளில் குரோ என்று அழைக்கப்பட்ட பெங்காலான் உலுவில் ₁₉₂₂-ஆம் ஆண்டு "பூந்தோட்டம்" என்ற இடத்தில் சிமெண்டில் செய்த சிலையை வைத்து வழிபட்டனர் இவ்வூர் மக்கள். அதன் பின் ஆலயம் முறையாக அமைக்கப்பட வேண்டும் என்ற நோக்கத்தில் _8-12-1924-ஆம் தேதி இவ்வாலயத்தை அரசு ஆவணத்திலும் பதிவு செய்தனர் அப்போதைய நிர்வாகத்தினர். அதற்குப் பிறகு அரசாங்கத்தினரிடமிருந்து தற்போது அமைந்திருக்கும் இவ்விடத்தைப் பெற்றனர்.

பொது மக்களின் கூட்டு முயற்சியால் ₁₉₅₂-ஆம் ஆண்டு ஒரு சிறு ஆலயம் நிர்மானிக்கப்பட்டு, இந்தியாவிலிருந்து வரவழைக்கப்பட்ட தண்டாயுதபாணியை மூல விக்ரகமாக பிரதிஷ்டை செய்து மஹா கும்பாபிஷேகம் நடத்தினர். அன்று முதல் இவ்வாலயத்திலே நித்திய கிரியைகள் சிறப்பாக நடைபெற்று வந்தன. ஆண்டுக்கு ஒரு முறை சித்திரா பௌர்ணமி திருவிழாவும் கொண்டாடப்பட்டு வருகிறது.

திருவிழா காலங்களில் மக்கள் திரளாக வரும்போது இடவசதி போதாததால் ₁₉₆₀-ல் ரிங்கிட் மலேசிய _6,000 வெள்ளி செலவில் ஆலயத்தோடு இணைத்து ஒரு மண்டபம் கட்டப்பட்டது. ஆண்டுகள் பல உருண்டோடின. பல நிர்வாகத்தினர் வந்து போயினர். இதற்கிடையை இவ்வாலயத்திற்கு ₃ நிலை கோபுரம் எழுப்பவேண்டும் என்று இவ்வூர் மக்கள் திருவுள்ளம் கொண்டனர். கனவை நினைவாக்க ₁₉₈₆-ஆம் ஆண்டு பொதுப் பணித்துறையைச் சேர்ந்த திரு. அ. குமரவேல் அவர்களின் தலைமையில் திருப்பணி தொடங்கப்பட்டது. சிறிது காலத்திற்குப் பின் அவர் மாற்றலாகிச் சென்றதும் டாக்டர் திரு. சந்திரன் அவர்களின் தலைமையில் இத்திருப்பணி தொடரப்பட்டது. அரசாங்க மாணியம் ரிங்கிட் மலேசியா _35,000த்தோடு பொது மக்களின் நன்கொடையுடன் ஏறக்குறைய ₂ லட்சம் ரிங்கிட் செலவில் பூர்ணத்துவம் அடைந்து _9-9-1990-ஆம் தேதி கும்பாபிஷேகமும் நடத்தப்பட்டது.

அதற்கு பின் இவ்வாலயத்தில் நித்திய கிரியைகளும் அவ்வப்போது சமய நடவடிக்கைகளும் நடைபெற்று வந்தன. இவ்வூர் மக்களின் சமய அறிவை வளர்த்திட அவ்வப்பொழுது சமய சொற்பொழிவுகளும் போட்டிகளும் நடத்தப்பட்டன. மாணவர்களின் சமய அறிவினை வளர்த்திட சமய வகுப்புகளும் நடத்தப்பட்டன. இதற்கிடையே ஆலயத்தில் பல இடங்களில் பழுது ஏற்பட்டு அசௌகரியத்தை ஏற்படுத்தியது. இதனை கண்ணுற்ற ஆலய நிர்வாகத்தினர் கடந்த _23-2-2003-ஆம் தேதி தலைவர் திரு. க. முருகுசுப்பிரமணியத்தின் தலைமையில் பாலஸ்தாபணம் செய்வித்து திருப்பணி வேலைகளைத் தொடங்கினர். இத்திருப்பணி ஏறக்குறைய _3-1/2 லட்சம் ரிங்கிட் மலேசியா செலவில் மேற்கொள்ளப்பட்டது.

இவ்வாலயத்தின் புகழ் எட்டுத் திக்கும் எதிரொலிப்பதோடு, நல்ல குடிமகனை உருவாக்கிடும் தலமாக அமையவேண்டும் என்பதே அனைவரின் அவா.

"வளர்க இந்து மதம் ...... ஓங்குக சைவ நெறி!"